Social Icons

Senin, 18 November 2013

PIDATO BAHASA BALI



Subakti Ring Guru Pengajian

Om Swastyastu,
            Suksma aturan titiang majeng ring bapak guru antuk galah sane katiba ring padewekan titiange.
            Ida dane para pamiarsa, pingajeng para semeton titiange sane banget tresna sihin titiang.
Wiakti angayubagia pisan titiang polih galah sakadi mangkin prasida ngaturang ida dane sareng sami antuk pidartan titiang sane mamurda “Subakti Ring Guru Pengajian”. Sakewanten ampura banget, boya sangkaning manah langgya titiang purun jumeleg iriki, nanging wantah madasar antuk manah suci titiang prasangga ngaturang amatra, dumogi wenten kawigunannyane majeng ring sameton titiang sareng sami.
            Inggih para semeton sane wangiang titiang sakadi sane sampun kauningin sareng sinamian, Guru Pengajian wantah bapak utawi ibu guru sane ngajahin utawi sane ngicen iraga ilmu ring sekolah. Sane dados rerama ritatkala iraga ngranjing,  Sane ngicenin piteket-piteket iraga dados sisya mangda malaksana sane becik, sane ngorahin iraga napi sane manut miwah sane ten manut, tur ngingetin swadarmaning iraga dados sisya inggih punika melajah.
Iraga dados sisya nenten langgah sareng bapak utawi ibu guru duaning guru pengajiane ring sekolah sane ngajahin iraga ilmu miwah sane ngawe iraga prasida uning sareng ilmu pengetahuan. Yening mangkin iraga dados sisya nenten manut utawi seneng langgah ring bapak utawi ibu guru ring sekolah, iraga kasebut sisya sane alpaka guru. Sisya sane alpaka punika contonyane : Males, seneng ngelanggar aturan, seneng ngelawan lan nyampahin guru miwah sane lianan.
            Inggih para semeton sami, ngiring iraga bakti ring guru pengajiane, sampunang sebet sareng guru pengajian, guru sane sampun prasida ngicenin iraga ilmu pengetahuan, miwah guru sane sampun tulus ngajahin iraga. Sane ring bahasa indonesia kawastanin “ Pahlawan Tanpa Tanda Jasa”
            Inggih wantah asapunika pidartan titiange, ampura pisan yening wenten atur titiang sane nenten manut ring manah. Tityang  nunas geng rena sinampura. Antuk punika titiang sineb antuk paramasanti…
Om Shanti…Shanti…Shanti…Om

Tidak ada komentar:

Posting Komentar

 

X-fouria

X-fouria
my favorite class

Apollo

Apollo
my rainbow class

for you all

First, I say thank you for come to my blog..
I want to tell you why I create my blog..
I write what I feel, I think, I want and I need to share you..
I want to write many inspiration for you so, I hope you can enjoy to come and read my blog :D :)
and for me, you are all my inspiration to create stories so, thank you very much :* :*

My sweet moment

My sweet moment
happy birthday for me